മരിച്ചതറിഞ്ഞ മമ്മുക്ക എന്നെ ഫോണിൽ വിളിക്കും വരെ അറിഞ്ഞില്ല ഈ മനുഷ്യൻ മമ്മുക്കയ്ക്ക് ഇത്ര പ്രിയപ്പെട്ടതായിരുന്നു എന്ന് കുറിപ്പ് പങ്ക് വെച്ച് ആതിര

ഇക്കഴിഞ്ഞ ദിവസമാണ് മലയാളത്തിന്റെ സ്വകാര്യ അഹങ്കാരം എന്ന് എം ടി വിശേഷിപ്പിച്ച നടൻ മമ്മൂട്ടിയുടെ എഴുപതാം പിറന്നാൾ ലോകമൊന്നാകെ അദ്ദേഹത്തിന് ആശംസകളും സ്നേഹവുമായി രംഗത്ത് വന്നിരുന്നു മാധ്യമങ്ങൾ എല്ലാം തന്നെ നിറഞ്ഞു നിന്നത് എഴുപത് വയസ്സുള്ള ഈ ‘യുവനടൻ’ തന്നെയായിരുന്നു മമ്മൂട്ടിയുടെ ജീവിതവും സിനിമയും കുടുംബവും സാമൂഹ്യപ്രവർത്തനവും എല്ലാം തന്നെ ജനങ്ങൾക്കാകെ അറിയുന്ന കാര്യമാണ് അത് പോലെ തന്നെയാണ് മമ്മൂട്ടിയുടെ സൗഹൃദങ്ങളും ബന്ധങ്ങളും അവയെല്ലാം അനുഭവിച്ചറിഞ്ഞവർക്ക് അതിന്നും നിറം പകരുന്ന ഓർമ്മയാണ് ഇപ്പോൾ അത്തരമൊരു സംഭവം വിവരിക്കുകയാണ് ആതിര.

ആതിരയുടെ കുറിപ്പ് ഇങ്ങനെ:

മമ്മൂട്ടി എന്ന നടനെ എനിക്ക് സിനിമയിൽ കണ്ട പരിചയം മാത്രമേ ഉള്ളൂ അതിലപ്പുറം ഒന്നും എനിക്കറിയില്ല ഞാൻ അറിയാൻ ശ്രമിച്ചിട്ടുമില്ല പക്ഷേ ഇന്ന് ഞാൻ അദ്ദേഹത്തെ ഓർത്തിരുന്നു കാരണം എനിക്ക് ഓർമ വെച്ച കാലം മുതൽ മമ്മൂട്ടിയുടെ ഒരു കടുത്ത ആരാധകനെ എനിക്കറിയാം നാട്ടുകാർ അയാളെ മമ്മൂട്ടി സുബ്രൻ എന്ന് വിളിച്ചു അയാളും സ്വയം അങ്ങനെ തന്നെയാണ് പറയാറ് വീടൊന്നുമില്ലാതെ അത്യാവശ്യം മദ്യപാനം ഒക്കെ ആയി ശങ്കരംകുളങ്ങര അമ്പലത്തിന്റെ ജംഗ്ഷനിൽ ഒരു ആലിൻ ചുവട്ടിൽ മമ്മൂട്ടിയുടെ ഫോട്ടോയും കൂടെ എല്ലാ ദൈവങ്ങളുടെയും ഫോട്ടോസും വെച്ച് അതിന്റെ ചുവട്ടിൽ ആയിരുന്നു താമസം.

അടുത്തുള്ള കട നടത്തുന്നവരും സമീപവാസികളും ഭക്ഷണം കൊടുക്കും കോവിഡ് ലോക്ക്ഡൌൺ സമയത്ത് ഭക്ഷണം ഞാൻ ഏർപ്പാട് ചെയ്തിരുന്നു എന്ത്‌ പരിപാടി നടക്കുമ്പോഴും അതിന്റെ മുന്നിൽ വന്നു നിൽക്കും അടുത്തുള്ള കുളത്തിൽ ആണ് കുളിയൊക്കെ അതിന്റെ മതിലുകളിലും മമ്മൂട്ടി എന്ന് എഴുതിയിട്ടിട്ടുണ്ട് മമ്മൂട്ടിയെ കാണാൻ ആയി ചെന്നൈയിലെ വീട്ടിൽ വരെ പോയിട്ടുണ്ട് പല പ്രാവശ്യം അതും സോഷ്യൽ മീഡിയ വരുന്നതിനു മുൻപുള്ള കാലത്ത് മമ്മൂട്ടി എന്നാൽ അയാൾക്ക് അത്രയും ആരാധനയായിരുന്നു അദ്ദേഹത്തിനെ വെച്ച് സിനിമ എടുക്കുന്നതിനു ഒരുപാട് കാശിനു ലോട്ടറി ടിക്കറ്റുകൾ എടുത്ത് ഭാഗ്യം പരീക്ഷിച്ചിരുന്നു.

ഇങ്ങനെയുള്ള മമ്മൂട്ടി സുബ്രൻ ഇന്നലെ രാത്രി ശ്വാസതടസം അനുഭവപ്പെട്ടതിനെ തുടർന്ന് നാട്ടുകാരായ ശ്രീജിത്തും അപ്പുവും ജില്ലാ ഹോസ്പിറ്റലിൽ എത്തിച്ചു കുറച്ച് സമയത്തിന് ശേഷം ഇ ലോകത്തു നിന്ന് യാത്ര പറഞ്ഞു ഇതറിഞ്ഞപ്പോഴാണ് നേരത്തെ പറഞ്ഞത് പോലെ ഞാൻ മമ്മൂട്ടി എന്ന നടനെ ഓർക്കാൻ കാരണം.

പക്ഷേ ഈ മനുഷ്യൻ മമ്മൂട്ടിക്കു എത്ര പ്രിയപ്പെട്ടവൻ ആണെന്ന് ഞാൻ മനസിലാക്കാൻ വൈകിപ്പോയി അൽപ സമയം മുൻപ് മരണവിവരം അറിഞ്ഞു അദ്ദേഹം എന്നെ ഫോണിൽ വിളിക്കുന്നത് വരെ ‘കഥ പറയുമ്പോൾ’ സിനിമയിലെ അശോക് രാജ് ബാലനെക്കുറിച്ച് സംസാരിക്കുന്നത് പോലെയാണ് എനിക്ക് തോന്നിയത് തെരുവിൽ കിടന്നിരുന്ന സാധാരണക്കാരനായ ഒരു ആരാധകനോട് പോലും ഇത്രമേൽ ആത്മ ബന്ധം പുലർത്തിയിരുന്നു മലയാളത്തിൻ്റെ മെഗാസ്റ്റാർ എന്നറിയുമ്പോൾ തികഞ്ഞ ആദരവ് മമ്മൂക്ക.

സുബ്രനെ കുറിച്ചുള്ള ഒരുപാട് ഓർമ്മകൾ മമ്മൂക്ക പങ്കിട്ടു ഷൂട്ടിംഗ് സ്ഥലങ്ങളിലും വീട്ടിലും വരാറുണ്ടായിരുന്നതും അവസാനം മദ്യപാനശീലം കൂടിയപ്പോൾ വഴക്ക് പറഞ്ഞിരുന്നതുമെല്ലാം അദ്ദേഹം പറഞ്ഞു മമ്മൂട്ടിയോടുള്ള അടുപ്പം ഒരിക്കൽ പോലും വ്യക്തിപരമായ നേട്ടത്തിന് സുബ്രൻ ഉപയോഗിച്ചില്ല തികച്ചും അസാധാരണക്കാരനായ ആരാധകനായിരുന്നു സുബ്രൻ സുബ്രനെ ഓർത്തതിന് ആ സ്നേഹ വായ്പിന് കരുതലിന് ആദരവോടെ നന്ദി മമ്മൂക്കാ
മമ്മൂട്ടി സുബ്രന് ആദരാഞ്ജലികൾ.”

സോഷ്യൽ മീഡിയയിൽ വലിയ ശ്രദ്ധ നേടുകയാണ് ഇപ്പോൾ ഈ കുറിപ്പ് സുബ്രന് ആദരാഞ്ജലികൾ അർപ്പിച്ച് മമ്മൂട്ടി ഷെയർ ചെയ്ത ചിത്രവും ഏവരുടെയും ചർച്ചാവിഷയമാണ് നിലവിൽ മമ്മൂട്ടി എന്ന സൂപ്പർ താരത്തെക്കാളുപരി മമ്മൂട്ടി എന്ന മനുഷ്യനെയും സുഹൃത്തിനെയും അനുഭവിച്ചറിയേണ്ടത് തന്നെയെന്ന് വ്യക്തം.

Leave a Comment